Plantun de Prouvènço

Pèr coumpara dos planto d'encò nostre

Mercurialis huetii & Stellaria nemorum subsp. montana

Mercurialis huetii

Euphorbiaceae

Nom en français : Mercuriale de Huet.

Descripcioun :
Aquéu mercuriau, que trachis dins li colo cauquiero, èi bèn mai pichot, quàsi nanet (< 20 cm), que soun cousin Mercurialis annua. Li fueio soun pichoto (< 2 cm) e lis enflourejado emé gaire de flour. Coumpara emé lou mercuriau que ié sèmblo proun, mai qu'èi mai grand dins tóuti si partido e que trachis dins li champ e escoumbre.

Usanço :
Poudèn pensa qu'a lis mémis usanço e prouprieta que lou mercuriau.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Mercurialis
Famiho : Euphorbiaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno - Ivèr

Sòu : Ca
Autour basso e auto : Pancaro entresigna
Aparado : Noun

Liò : Colo - Paret - Esboudèu - paret
Estànci : Termoumediterran à
Couroulougi : Pancaro entresigna
Ref. sc. : Mercurialis huetii Hanry, 1864

Esteleto(-de-mountagno)

Stellaria nemorum subsp. montana

Caryophyllaceae

Nom en français : Stellaire à graines barbues.

Descripcioun :
L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Jun à avoust

Liò : Bos fres - Prado à rousèu - Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Mercurialis huetii & Stellaria nemorum subsp. montana

ges

Coumpara Mercuriau(-de-Huet) emé uno autro planto

Coumpara Esteleto(-de-mountagno) emé uno autro planto